Gwamnatin Mali za ta tattauna da ‘yan ta’adda

Gwamnatin Mali ta ce a shirya take ta shiga tattaunawa da kungiyoyin da ke dauke da makamai musamman a yankin tsakiya kasar, kamar dai yadda kungiyar International Crisis Group ICG ta bayar da shawara.

Ministan tsaron cikin gidan kasar Mali Boubacar Alpha Ba, ya ce gwamnatin na cikin shiga wannan tattaunawa, kuma tuni ta fara aiki dangane da wannan batu.

Bayan share tsawon lokaci tana bincike a game da ayyukan kungiyar ‘yan ta’adda da ake kira Macina Katba da ke karkashin jagorancin Amadou Koufa, kungiyar ta ce ta hnyar shiga tattaunawa ne kawai za a iya shawo kan kungiyar domin ta daina kai hare-hare a yankin tsakiyar kasar ta Mali.

To sai dai manazarta na ganin cewa tattaunawar za ta iya kasancewa mai wuya, lura da yadda tuni shugaban kungiyar Amadou Koufa ya yi mubaya’a ga wasu kungiyoyin ta’addanci da suka hada da Alqa’ida da kuma Aqmi, lamarin da zai sai da wuya malamin ya iya daukar mataki ba tare da amincewar wadannan kungiyoyi ba.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *